જય

૧૧મી લગ્નજીવનની તિથિ નિમિત્તે હાર્દિક શુભકામનાઓ
જય જી

"મિત્રના ઘરનો માર્ગ કદી લાંબો હોતો નથી"

મિત્ર શાપુર રહેતો હોય કે ધોરાજી જુનાગઢ હોય કે પછી ગાંધીધામ રહેતો હોય કે  236 કિલોમીટર દૂર ઉદયપુર હોય. મિત્રને દિલથી મળવાની ઈચ્છા હોય તો એના ઘરનો માર્ગ ક્યારેય લાંબો હોતો નથી.

  મને યાદ છે ત્યાં સુધી જય ના પરિચય ની શરૂઆત  1996 થી થઈ હતી  આશરે અઢી દાયકા પહેલા. હવે આટલા સમય ના  જય સાથેના યાદ ના સંભારણા લખીએ એટલે  પીએચ.ડી.નો ચારસો-પાંચસો પેઇજનો થિસીસ તૈયાર થઈ જાય હો.... છતાં અહીં કેટલીક યાદ ની ઝાંખી  કરવાનો પ્રયત્ન કરું છું.
સૌપ્રથમ મુલાકાત તો યાદ નથી પરંતુ ધોરણ 8E માં ત્રાંબડીયા અને વાછાણી સરનેઇમને લીધે ક્લાસરૂમમાં આગળ-પાછળ  બેસવાનું રહેતું હતું. અહીંથી દોસ્તી ધીમે ધીમે આગળ વધતી રહી એ પાકું છે.

પ્રથમ આછેરી એક યાદ કહું તો જયે નવી સાયકલ લીધી તી સીધા હેન્ડલ વારી. શાપુરના સ્ટેશન દરવાજે નાનકડા જયને દિવ્યેશ ધીરેન અથવા  તો વિરલને એ સાયકલ સાથે જોયા નું દ્રષ્ય સ્મૃતિપટ પર છે.
 ધોરણ -10C માં વાછાણીસ ત્રાંબડીયાસ વિરોજા ટાંકસ અને વાઘેલાની લોર્ડ ઓફ ધ લાસ્ટ બેંચની હંમેશા ધીંગા મસ્તી કરવા માટે તૈયાર જ હોય.
ધોરણ 11 સાયન્સમાં સાથે પ્રવેશ લીધો. થોડા સમયમાં જયએ ધોરાજી એના પપ્પા સાથે ટેલિફોનિક વાતચીત કરી અને દિવ્યેશ સાથે સાયન્સ માંથી સન્યાસ લેવાની જાહેરાત કરી હતી યાદ છે.?

ધોરણ 12માં છેલ્લા ત્રણ મહિના જય ના ઘરે તેમના દાદીમાં ના હાથનું હળદરવાળું દૂધ પી અને વાંચવાની મેરેથોન દોડ ચાલુ કરી અને સીએ સાહેબ ચાવડા પ્રફુલ જેટલા જ પોઈન્ટ-ટુ-પોઈન્ટ ટકા જય લઈ આવેલો એ પણ યાદ છે.
કોલેજનાં ત્રણ વર્ષ દરમિયાન તો ઘણી બધી યાદો છે મારા મમ્મી-પપ્પા બહારગામ ગયા હોય ત્યારે જય સચિન કમલેશ વિજય કેવીન વગેરે રાત્રે મારી ઘરે ટીંબાવાડી સુવા આવતાં હતા.
આ વર્ષો દરમિયાન જય દિલ્હી વ્યવસાય અર્થે ગયો હોય ત્યારે અમારે ક્યારેક લેન્ડલાઈન ફોનથી વાતચીત થતી. કેવિન જય અને મે હજુ કયા મોબાઈલ  ભાગમાં લીધો હતો.

આપણા કમલેશ અને હિતેશ સાથે મીલેટરી માં દિવ્યેશ  અને જય પણ હોત આ તો આભાર કે દિવ્યેશ ના પપ્પા એ ના પાડી ભરતી મેળામાં જવા ની બાકી વિચારો આ શાપુરના  ચાર હોત તો પાકિસ્તાન શું દશા થઈ હોત અત્યારે ભાઇ.

મનમોહનસિંહના વડાપ્રધાન તરીકેના પ્રથમ શપથ સમારોહ ના દિવસે જ વાડલા ફાટક અંધજન મંડળમાં જય નો ઇન્ટરવ્યૂ હતો.નોકરીમાં તો ફાઇનલ હતી હવે લેવી નહિ એ ફાઇનલ ન હતું.

જૂનાગઢમાં તન્ના કોમ્પ્યુટરમાં એકાઉન્ટ શીખવા નો હોય કે પછી વિદેશ જવા માટે hero honda splendor માં પચીસ રૂપિયાનો ગેસ પુરાવીને રાજકોટ તપાસ અર્થે જવાનું હોય કે મારા ગામ લાઠ રાત્રે ધોરાજી થી સ્કૂટર લઈને વિદેશ જવાની માહિતી લેવા અમે હંમેશા સાથે જ હોય.
આવી અનેક યાદો સાથે ક્યારે ચંદા કોચરની આઇસીઆઇસીઆઇ બેન્કમાં ઇન્દુભાઇ કારીયાએ જયને નોકરી અપાવી દીધી એ ખબર જ ના પડી.

  મોટીમારડ છોકરી જોવા ગયો હતો ત્યારે તે કદાચ છોકરી ને ના કીધું  હોય તો  હવે કહી દેજે  કે તે દિવસે રાતે હું નલિન અને રાજુકાકા વંથલી રગતીયા ની પાવભાજી અને પુલાવ ખાવા ગયા હતા.
હું બીજા દિવસે જી.જી. ફળદુના છોકરાઓને સોમનાથ અને દીવને પ્રવાસમાંથી લઈને આવ્યો  ત્યાં તો આદર્શ સોસાયટીમાં ઘરે છોકરી ગમી ગઈ અને જલ અને સગાઈની ચર્ચા થવા માંડી . હવે આપણા જય ભાઇ તો લગ્નજીવનના પ્રવાસે ઉપડીયા હો...
એક દિવસના રાજા એવા વરરાજા જયની ગાડી શણગારવાની જવાબદારી મારા માથે હોવાના લીધે સાંજી ની ભેળ અને ગુલ્ફી હજુ મારી જમા બોલે છે હો ભાઈ...

જૂનાગઢમાં સવારની વોકમાં  ટીંબાવાડી થી મોતીબાગ જેમ જીગ્નેશભાઈ કાલરીયા મારી સાથે હોય તો ઝાંઝરડા રોડ થી ઝાંઝરડા બાયપાસ  પર જયભાઈ હોય....
શાપુરની આદર્શ સોસાયટી ની જેમ જ ધોરાજીની શિક્ષક સોસાયટી , જૂનાગઢનો ગોપાલ એપાર્ટમેન્ટ કે દિપગંગાB, અમદાવાદનો એલિસબ્રીજ સમાજ,  રાજકોટનો લીમડાચોક , ગાંધીધામનું DC5, નાથદ્વારા કડવા પાટીદાર  સમાજ અને ઉદયપુરનો ભૂવાના બાયપાસ ચોરાહા જેવી અનેક જગ્યાએ અમારું નાનું-મોટું G2G થયા જ કરે છે.

અમદાવાદમાં રેતી કપચી વેચવાની સાંજે અમારે મીટીંગ હોય અને સવારે જય નો ફોન આવે હું તો ઉદેપુર એચ.ડી.પી.ઈ પાઇપ વેચવા જાઉં છું આવું કાયમી G2G ન થવા દેવા પાછળ પણ શું  કાળિયા ઠાકર ના કોઇ આશીર્વાદ હશે?
 હવે ટૂંકી વાત કે આપણા જય ભાઇ ગ્રુપના દરેક સભ્યો સાથે પ્રત્યક્ષ કે પરોક્ષ કોઈને કોઈ રીતે જોડાયેલ હોય છે.( જીગા તું બીજું કંઇ ના વિચારતો જય મોટીમારડ ના જમાઇ બનીને કાયમી  તારી સાથે જોડાયેલા જ કહેવાય હો...)

બાકી હવે પછી ક્યારેક ....

આપણા જયભાઇ ની
જય હો....

જયશ્રીકૃષ્ણ

https://m.facebook.com/story.php?story_fbid=1902215076489842&id=100001041042242